NASKAH CERITERA KETHOPRAK BABAD BANYUMAS

NASKAH CERITA KETOPRAK BABAD BANYUMAS

“ JOKO KAIMAN WISUDA “

ADEGAN I

Joko Kaiman sedang duduk istirahat dan merenung untuk meneruskan perjalanan menuju Kejawar, karena akan menikah dengan Putri Wirasaba yang bernama Rara Kartimah. Antara sadar dan tidak dalam lamunannya ia mendengar suara gaib yang menyatakan bahwa Joko Kaiman nantinya akan menjadi seorang yang “Pinunjul” dan sangat dihormati oleh sesama. Tak terasa dipangkuannya tergeletak sebuah Pusaka/keris tanpa warangka. Dalam suasana terkejut, datanglah seorang tua yang menjelaskan asal-usul pusaka itu. Orang tua itu adalah Kyai Tolih. Pusaka sebagaimana dimaksud adalah Keris Kyai Gajahendra. Ki Tolih berpesan agar dapat menjaga dan memanfaatkan keris itu untuk membela kebenaran. Perjalanan Joko Kaiman diteruskan ke Kejawar.

( Joko Kaiman lungguh sangisoring wit ing pinggir Desa Kejawar, semedi nyuwun pitudhuh nggennya arep ngadhepi lelakon urip, arep dadi mantune Adipati Wirasaba )

Swara tanpa rupa  :  ( palaran Sinom )

Joko kaiman rungokna, iki wangsite Hyang Widhi, yen sira trahing kusuma, kudu kendel angadhepi, dadi pesthining Gusti, mengko bakale pikantuk, iki dalane kamulyan, bakale madeg narpati, Gajahendra iku piandeling praja.

Joko Kaiman ( wedhar semedi )

Urung suwe anggonku ngeningake cipta, ana swara dumeling ing talinganku. Swarane sapa ? kamangka ing kene papan kang sepi. Loh iki koh ana pusaka gumlethak ing pangkonku…. Pusakane sapa iki?

Ki Tolih

Ngger…. Joko Kaiman…. Aku kang mrepeki jeneng sira kulup….!

Joko Kaiman

Loh….. paduka sinten. Datan suwawi sampun teng ngajeng kula?

Ki Tolih

Ya , ngger… aja dadi kageting atimu. Aku kuwi kalebu  kawula ing tlatah kene bae. Yen kowe durung mangerteni, ya aku iki Ki Tolih…!

Joko Kaiman

Ki Tolih..?      lajeng wonten wigatos punapa  rawuh lan nyaketi kula? Lajeng kula kedah sesambat pripun dhateng paduka, Ki..?

Ki Tolih

Kowe mernaha marang aku… Uwa….bae!

Joko Kaiman

OOO nggih wa….. nyuwun pangapunten kula nembe mangertos.!

Ki Tolih

Ngene ngger, pun Wa wis mangerteni krenteging atimu lan ngerti apa sing nembe kedadiyan iki. Pusaka sing ana pangkonmu coba jupuken….nyedhaka mrena bakal dak jarwani.

Joko Kaiman

Nggih Wa, kula mboten mangertos punika pusakane sinten? Wujud keris tanpa wrangka.

Ki Tolih

Ya ngger, kuwi keris kagunganku jenenge Kyai Gajahendra, pancen wis dadi kudrating Gusti, yen keris kuwi kudu dadi piandelmu. Ya sarana ngagem pusaka kuwi muga-muga gegayuhanmu bakal kasembadan.  Sedhela maneh kowe arep dadi putra mantune Adipati Wargoutomo ing Warasaba. Piwelinge pun wa, kowe kudu tansah tumindak becik, sabar lan narima sinartan laku adil lan wicaksana. Ya sliramu kang bakal ngrembakaake kadipaten Wirasaba, ngger. Sadurunge kowe kapundhut mantu ing Wirasaba, kowe sowane marang Ki Mranggi, nyuwun wrangka kang jumbuh karo keris iki. Wis ya ngger… pun Wa bakal nerusake laku. Muga-muga kowe manggiha rahayu…..!

Joko Kaiman

Nggih Wa… matur gunging panuwun

Ki Tolih ( lengser pamit )

Sing ngati-ati Joko Kaiman……!

( Tutup Kelir )

ADEGAN II

Perjalanan Demang Toyareka bersama putranya ( Joko Mangun) dan pengawal akan menuju ke Kesultanan Pajang.  Demang Toyareka merasa disakiti oleh Adipati Wirasaba karena telah menceraikan putranya dengan putrinya ( Rara Sukartiyah)  yang sudah dijodohkan sejak kecil. Mereka akan mengadu dan minta peradilan ke Pajang. Dalam perjalanannya bertemu dengan rombongan Ki Wargoutomo yang akan mempersembahkan putrinya ke Pajang. Terjadilah perselisihan antara pengawal Toyareka dan pengawal Wirasaba. Akhirnya mereka bersimpangan jalan.

Ki Toyareka

Wis padha mandheg dhisit, ngger…..!

Joko Mangun

Nggih Rama…. Kula mpun radi sayah anggenipun mlampah.

Ki Toyareka

Ya ngger…… Jagawana apa dene kowe  Surawana … padha ngaso sawetara, kanggo ngesatake riwe, mengko yen wis ngaso diterusake lakune..!

Jagawana

Nggih Ki Demang…. Kula nggih mpun rumaos kesel niki lah……banyune nggih mpun bedhe telas koh.

Surawana

Nggih KI Demang….. kamangka mboten wonten warung..!

Ki Toyareka

Wis aja mikirake babagan sangu… sing baku aku kabeh kudu engal tumeka ing Pajang. Senajan dilakoni nglangsur-nglangsur ya kudu padha gelem.

Joko Mangun

Nggih, Ma…… napa taksih tebih nggih….. kinten-kinten pinten dinten malih dumugi Pajang?

Ki Toyareka

Ora suwe…… ora nganti pitung dina bakal tumeka ing Pajang. Senajan kesel ya kudu dilakoni. Kabeh iki kanggo dalan kamulyanmu, ngger..!

Jagawana

Nuwun sewu, Ki….. kula dereng mangertos sedya Ki Demang tindak Pajang, sajatosipun wonten babagan punapa KI?

Surawana

Nggih, Ki…. Kula nggih dereng mangertos, badhe wonten wigatos punapa dhateng Pajang, Ki?

Ki Toyareka

Ngene….. kowe ra wis padha ngerti…. Wektu iki Sultan Hadiwijaya nimbali Adipati Wirasa supaya nyowanake Rara Sukartiyah arep didadekake palar-lara ing Pajang. Kamangka Sukartiyah kuwi raw is dadi bojone anakku Si Mangun, ya dadi mantuku. Wektu semono Sukartiyah ora gelem kembul karo anakku, wusana pisahan. Manut panemune Adipati Wirasaba jarene ora kena dilakoni awit esih nunggal Kaki lan Nini.

Jagawana

Niku nggih leres Ki….. ujare para Kyai taksih muhrim…. Mboten kenging!

Loh…. Kowe malah mulang marang aku…..?.... aku ya ngerti. Nanging anakku wis kebacut seneng..! wong tuwa kudu manut karepe anak. Kejaba kuwi.. Adipati Wirasaba wis ngilani dhadhaku…. Ngremehake Demang Toyareka…! Aku rumangsa diasorake…. Aku ora trima….!

Joko Mangun

Nggoih, Ma…. Nanging mangke menawi Rara Sukartiyah manggen teng Pajang, kula mboten saged dhaup malih, lajeng kula kedah mados tiyang sanes?

KI Toyareka

Mangun…! Perkara Sukartiyah cumondhok ing Pajang.. wis ora perlu dipikir…. Wong wadon ora mung siji. Apa maneh kowe trahing Demang….. ketrununane wong luhur… aja kuwatir. Aja kuwatir!

Joko Mangun

Lajeng kerasane Rama kados pundi…?

Padha rungokna sing genah…… sing jenenge Palara-lara kuwe, syarate kudu wong wadon sing esih prawan. Kamangka rara Sukesih wis nate dadi bojomu… ateges dudu prawan maneh. Mesthi Kanjeng Sultan ora bakal nampa ature Adipati Wirasaba. Mengko aku bakal matur apa anane, Adipati Wirasaba bakal dak wirtangake, yen perlu supaya dipidana dening Sultan pajang.

Surawana

Oooo.. kados niku kersane?

Ki Toyareka

Mula.. ayuh…. Padha nerusake laku…….( Krungu swara prajurit nekani )

Coba…. Kae kaya prajurit Wirasaba….. wis ngene bae, aku karo Mangun padha ndeli…. Wis enggal perthuken prajurit mau…..yen ora kuwawa, mengko padha nyimpang dalan aja nganti kadenangan Adipati warga Utama.

Jagawana/Surawana

Nggih KI…. Ngestokaken dhawuh badhe kula ayahi.

( Ki Toyareka Joko Mangun ndelik, tekane prajurit Wirasaba )

Prajurit ( Panggah)

Heh… ki Sanak…. Kowe lagi padha ngapa mapan ing kene, haha?

Prajurit ( Puguh)

Ya…… aja padha ngalang-alangi lakuku…….padha minggir kabeh..!

Jagawana

Ha..ha.ha..ha……… arep minggir apa orane kuwi karepku….. dalan iki sapa bae kena liwat kene…. Aku ya duwe hak mlaku… semana uga kowe sakeloron.

Surawana

Wis kakang…. Ora perlu kakehan omong….. dicegat bae.!

Panggah

Sembrana kowe…. Ngertia ki Sanak… aku sakeloron bakal ndherekake Gustiku Adipati Wargautomo tumuju Pajang….. kowe aja nyegah kang dadi lakuku.

Puguh

Ya… minggir aja ngalang-alangi  lakune Gustiku…..gelem minggir apa ora..!

Jagasura

Gelem minggir yen wis bisa ngrungkebi layonku…. Ayuh tandingana aku……!

( Dadi pasulayan…… Jagawana lan Surawana keplayu, padha nyimpang dalan )

( Tutup Kelir )

ADEGAN III

Kesultanan Pajang. Sultan Hadiwijaya dan Permaisuri, dihadapkan Patih Manca Praja, Tumenggung Wilamarta dan beberapa prajurit sedang membahas tentang Adipati Wirasaba yang akan mempersembahkan putrinya yang akan dijadikan “ Garwa Selir “. Tak lama kemudian datanglah Adipati Wirasaba bersama putrinya ( Rara Sukartiyah). Sultan Hadiwijaya menanyakan status Rara Sukartiyah. Oleh Wargoutomo dijelaskan bahwa putranya itu tidak punya suami dan belum pernah hidup bersama dengan pria manapun. Apa yang disampaikan Wargoutomo diterima oleh Sultan Pajang. Adipati Wirasaba mohon diri untuk meninggalkan Pajang. Rara Sukartiyah supaya istirahat menuju keputren. Tak lama kemudia ada laporan dari prajurit jaga, bahwa ada 2 (dua) orang tak dikenal sedang berpanas-panasan di tengah alun-alun, yang akan menghadap Sultan. Atas ijin baginda, orang tersebut supaya menghadap. Demang Toyareka dan Joko Mangun menghadap dan menceritakan status yang sebenarnya tentang Rara Sukartiyah. Betapa marahnya Sultan Hadiwijaya . Baginda mengutus seorang prajurit ( Wirapati ) untuk segera menyusul Adipati Wargoutomo. Dimanapun berada supaya dibunuh karena dianggap telah menghina Sultan Pajang. Demang Toyareka dan Joko Mangun berpamitan. Kemarahan Sultan Hadiwijaya dapat diredakan oleh Patih Mancapraja. Baginda Sultan supaya menanyakan langsung kepada Rara Sukartiyah. Setelah menghadap, Rara Sukartiyah menceritakan keadaan dirinya. Dia memang pernah dijodohkan dengan putra Demang Toyareka tapi tidak pernah mencintai atau berkumpul bersama apalagi bersentuhan. Statusnya masih gadis. Sadarlah Sultan Hadiwijaya. Baginda telah tergesa-gesa menerima pengaduan dari Demang Toyareka. Akhirnmya Sang Baginda Sultan mengutus prajurit ( Wirayuda)  supaya menyusul utusan yang pertama agar niatnya membunuh Wargoutomo diurungkan atau dibatalkan.

Sultan Hadiwijaya

Kakang Mancapraja…… apa padha becik pisowane kabeh para nayakaning praja , kakang…!

Patih Mancaapraja

Nggih, Kanjeng…. Sowan kula tansah pinanggih basuki.. namung bekti kula kemawon katur, Kanjeng!

Sultan hadiwijaya

Ya… dak tampa, tiba sepadha-padha kakang. Lungguh kang prayogo Kakang Patih..!

Prameswari ( Ratu Mas Cempa )

Semanten ugi kula kanjeng Sultan….. ingkang garwa kula nggih caos bekti katur panjenengan kangmas..!

Sultan Hadiwijaya

Yoh… garwaku sing dak tresnani…. Banget panarimaningsun diajeng, semana bektimu marang pun kakang. Muga-muga bisa dadi patuladhan kabeh para wanita ing Pajang, tansah bekti marang kakunge.

Prameswari

Nuwun inggih Kangmas,….. mangestokaken dhawuh.

Sultan Hadiwijaya

Lungguh sing prayogo diajeng…..!

Prameswari

Nuwun inggih……!

Tumenggung Wilamarta

Nuwun sewu, Kanjeng….. kula pun Wilamarta nggih ngaturaken sembah bekti mugi konjuk kanjeng Sultan…!

Sultan Hadiwijaya

O..o..oo.. kowe Tumenggung Wilamarta?... yoh wis dak tampa pangestuku bae tampanana ya.. lunguh kang prayogo!

Wilamarta

Nuwun inggih, kanjeng…. Ngestokaken dhawuh.

Wirapati ( Prajurit )

Ingkang abdi.. Wirapati atur bekti konjuk kanjeng Sultan….

Sultan Hadiwijaya

Kowe prajurit pengapit?..... yow is dak tampa lungguh sing prayogo..!

Wirayuda

Semanten ugi kula Kanjeng… ngaturaken sembah bekti mugi konjuk..!

Sultan Hadiwijaya

Kowe ya prajurit pengapit?..... yo bektimu dak tampa, padha lungguh sing prayoga.

Wirapati/Wirayuda

Nuwun inggih Kanjeng…!

Sultan Hadiwijaya

Bali marang kakang Mancanegara apa dene diajeng garwaku….! Kabeh bae ya.!

Sengaja dina iki ingsun nganakake pisowanan. Awit ing dina iki wis ditentokake menawa Adipati Wargautomo ing Wirasaba bakul sowan ngaturake putrane minangka dadi palara-lara ing Pajang.  Apa wis ana pawarta, rawuhe Adipati Wirasaba, Kakang Patih..!

Manacapraja

Nuwun inggih, kanjeng….. mangga dipun antu kemawon, mugi-mugi bidhalipun Adipati Wirasaba dumugi Pajang mboten manggih alangan, Kanjeng.!

Sultan Hadiwijaya

Ya.. kakang… muga-muga bae ora sisip saka sedyane, dina iki Wargoutomo sowan ing Pajang.

( Sowane Adipati Wargoutomo )

Wargo Utomo

Kula ingkang sowan kanjeng……!

Sultan Hadiwijaya

Kaya sowane…. Wargoutomo…! Lungguh kang prayogo yo..!

Wargoutomo

Ngestokaken dhawuh……saderengipun kula matur, sepisan kula ngaturaken bekti konjuk kanjeng Sultan.

Sultan Hadiwijaya

Yo…. Wis dak tampa… tiba sepadha-padha….. lah bocah wadon kuwi sapa…?

Wargoutomo

Nggih… nyuwun ngapunten.. punika anak kula pun Rara Sukartiyah…….ngger ngaturake bekti ya….!

Sukartiyah

Inggih sinuwun….. name kula Sukartiyah….. kula ngaturaken sembah bekti mugi konjuk..!

Sultan Hadiwijaya

Oooo ya…. Wis dak tampa lungguh kang prayogo..!

Sukartiyah

Ngestokaken dhawuh, kanjeng.

Sultan hadiwijaya

Ngene… Ki wargoutama….. sowanmu iki apa jumbuh karo sing nate ko aturake wektu semono?

Kowe bakal ngaturake palara-lara ing Kasultanan Pajang? Njur sapa sing arep ko aturake?

Wargoutama

Nggih… goroh waleh kanjeng, ingkang badhe kula aturaken minangka palara-lara mboten sanes nggih anak kula Sukartiyah punika…!

Sultan Hadiwijaya ( Kaget lan bungah )

Oooo.. dadi putramu kuwi sing arep didadekake palara-lara ? Nanging aku kepenging ngerti apa bener putramu kuwi esih legan? During nduwe garwa ?

Wargoutomo

Leres Kanjeng… anak kula punika mboten gadhah bojo, dereng nate kembul kalih priya, kanjeng!

Sultan Hadiwijaya

Yen ngono esih dhewek……! Apa ya pancen wis gelem didadekake palara-lara ing Pajang!

Wargoutomo

Nggih leres kanjeng… anak kula taksih prawan dereng gadheh semah… lan mpun rila dipun dadosaken palara-lara wonten Pajang mriki, Kanjeng.

Sultan Hadiwijaya

Ya..ya… matur gunging panuwun Ki Dipati……apa bener Sukartiyah?

Sukartiyah

Nggih kanjeng… kula purun lan mandar bingah sanget managgen wonten Pajang…!

Sultan Hadiwijaya

Yen ngono… owe dak trima dak dadekake palara-lara ing Pajang. Mesthine kowe sayah lunga saka Wirasaba.. mula wis kono mlebu taman keputren. Diajeng… dherekna Sukartiyah supaya ngaso ndhisik ing keputren.!

Prameswari

Ngestokaken dhawuh, kangmas…. Ayuh ngger..dak dhereke   mlebu keputren…!

Sukartiyah

Nggih….. matur nuwun…….pamit rama…..!

Wargoutomo

Sing ngati-ati ngger.

( Prameswari.. Sukartiyah mlebu keputren …. Gending sirep )

Wargautama

Nuwun sewu Kanjeng, mbok bilih sampun cekap, kula nggih badhe nyuwun pamit wangsul dhateng Wirasaba.!

Sultan Pajang

Loh…. Kok kesusu… mbok sare bae ana pajang.. aja tulak…kondur ngesuk bae..!

Mancapraja

Ya… sang Ki Dipati…. Aja tulak… kondur ngesuk bae.. nyare ana kepatihan ya kena.!

Wargautomo

Nyuwun ngapunten Kanjeng lan Ki Patih, sanes wekdal malih kula sowan mriki ngiras pantes mertinja kawontenan anak kula suklartiyah. Kula naming ndherek titip anak kula masa boronga kanjeng.

Sultan Pajang

Ya Ki Dipati….. Sukartiyah wis ana panguwasningsun… aja kuwatir….

Wargautomo

Nyuwun pamit kanjeng..!

Sultan Pajang

Ya…. Sing ngati-ati……..

(Gending suwuk )

Mancapraja

Kula ndherek remen kanjeng, rara Sukartiyah punika lare saking njawining praja nanging gadhah subasita lan tata karma, kanjeng

Sultan Pajang

Ya kakang Patih…… kabeh mau gumantung panggulawentahe wong tuwa. Yen wong bisa paring piwulang marang anak ya mestine bisa dadi bocah sing ngerti marang tata krama, kakang.

Mancapraja

Nggih Kanjeng… pantes dados patuladhan.

Wilamarta

Nuwun sewu kanjeng, kados wonten prajurit ingkang badhe sowan….!

Sultan Pajang

Yo didhawuhi sowan mrene….  Bakal dak dangu ana wigati apa.!

( Sowane prajurit njaba…….gendhing sirep  )

Prajurit

Nuwun sewu Kanjeng… kepareng kula atur priksa. Bilih wonten alun-n Pajang punika wonten tiyang saweg pepanasan, lan badhe sowan …. Napa kepareng kanjeng..!

Sultan Pajang

Yo… wis diaturi sowan bae…..!

Prajurit

Nggih… ngestokaken dhawuh..!

( Sowane Ki Toyareka lan Joko Mangun  )

Sultan Pajang

Kakang Mancapraja… aku nembe pirsa pawongan iki….. coba didangu, kakang.!

Mancapraja

Nuwn inggih, kanjeng……. Heh ki Sanak….. nembe iki aku weruh slirane sakeloron, sapa kang dadi jenengmu, lan saka ngendi… banjur duwe karep apa… tanpa tinimbalan sowan ing Pajang!

Ki Toyareka

Nuwunsewu….. ingkang kagungan Panguwaos wonten Pajang punika sinten..!

Mancapraja

Sing duwe panguwasa ya Kanjeng Sultan Hadiwijaya… loh karepmu priye..?

Ki Toyareka

Gandheng sing kagungan panguwasa niku Kanjeng Sultan Hadiwiwijaya, kula mboten mbetahaken dhawuh panjenengan…? Njenengan ra patih… nggih…nggih..?

Wirapraja

Ya bener… drajatku mung patih… nanging aku nampa dhawuh supaya ndangu kowe…!

Ki Toyareka

Paring dhawuh rak menawi priyayine mboten wonten mriki..! lah wong Kanjeng sultan mawon teng ngajeng kula…! Kula badhe matur mawon… mboten perlu lantaran…!

Mancapraja

Lah.. wong koh ngeyel….. ora ngerti tata karma…iki pisowanan loh….aja sekarepe dhewek.

Milamarta

Ki Sanak….. aja sekarepe dhewek angonmu matur….. iki pisowanan agung loh!

Ki Toyareka

Kula ngertos… kula ngertos…. Niki pisowanan Pajang… mula kula badhe sowan lan matur dhateng Kanjeng Sultan..!

Sultan Pajang

Wis kakang patih….. tumenggung…… aja padha padudon… kabeh padha mendel, ingsun dhwek kang bakal paring dhawuh.

Mancapraja

Nggih mangga kanjeng..!

Sultan Pajang

Ki Sanak…… nembe iki ingsun ketemu karo kowe…. Sapa jenengmu, saka ngrendi asalmu lan duwe karep apa sowan ing Pajang kene?

Ki Toyareka

Nggih.. nggih kanjeng… saderengipun kula ngaturaken bekti katur…… dene name kula Demang Toyareka kalebet wewengkon Wirasaba  lah niki anak kula lanang jenenge Mangun…!

Sultan Pajang

Jenengmu Toyareka…. Pangkate Demang… kuwi anakmu.. Mangun…!

Mangun

Nggih name kula Mangun, Kanjeng…. Kula ngaturaken bekti

Sultan Pajang

Ya.. wis dak tampa…… njur ana wigati apa kowe padha sowan ing Pajang kene…. Kamangka nembe bae Adipati Wirasaba ya Gustimu rawuh kene.. mandar saiki wis pamit kondur…!

Ki Toyareka

Lah… niku sing badhe kula aturaken…..gegayutan kaliyan rara Sukartiyah ingkang sampun dipun sowanaken..!

Sultan Pajang

Gegayutan karo Sukartiyah…. Karepmu priye…? Gawe bingung bae..!

Mancapraja

Ki Demang….. matura sing cetha aja cengangas-cengenges…..!

Ki Toyareka

Ngaten kanjeng….. mesthine Kanjeng Adipati Wargoutomo mpun matur, menawi Rara Sukartiyah niku dereng kagungan bojo, taksih prawan….? Nggih to?

Sultan Pajang

Ya bener manut ature Adipati Wirasaba, lan ingsun ya wis ndangu marang Sukartiyah yen dheweke ora kagungan bojo lan esih Kenya utawa prawan..!

Ki Toyareka

Lah…. Njenengan niku mpun diapusi… mpun diapusi dening Adipati Wirasaba…..!

Mancapraja

Toyareka…. Aja ngayawara aturmu…… aja sembrana kowe

Ki Toyareka

Nuwun sewu kanjeng.. kula badhe crios…. Kula badhe matur…. Badhe dipun pidhangetaken nggih monggo, mboten nggih monggo…!

Sultan Pajang

Wis matur sing cetha…… supaya kabeh gamblang…!

Ki Toyareka

Ngaten kanjeng…. Kula niku kapernah sedherek neme Adipati Wirasaba, nalika anak kula Si Mangun  taksih alit niku mpun kula jodhokaken kaliyan Rara Sukartiyah. Dumugi dewasa… ancas kula niku badhe kula dhaupaken… anak kula nggih mpun purun… rara Sukartiyah nggih waune purun…. Nanging duki sepriki Sukartiyah mboten purun nglanggati.

Sultan Pajang

Dadi anakmu kuwi wis dijodhokake karo Sukartiyah putrane adipati Wirasaba…..!

Toyareka

Nggih Kanjeng….. ature Adipati Wirasaba niku goroh…. Goroh . alias ngapusi…. Niku mboten leres. Ana ratu koh dilombo dening adipati….!

Sultan Pajang ( duka yayah sinipi/ ngadeg  ……)

Keparat….. yen ngono Adipati Wirasaba wis gawe wirang karo Sultan Pajang….. ngina karo Hadiwijaya…. Heh prajurit…..! mumpung during adoh….. susulen Adipati Wargautomo… ning ngendi bae ketemune patenana..!

Wirapati

Sendika kanjeng… nyuwun pamit..!

Ki Toyareka

Nuwun sewu kanjeng… gandheng mpun cekap…. Kula nyuwun pamit……!

Mancapraja

Kula aturi sareh penggalihe Kanjeng….. mangga kula aturi pinarak.

Sultan Pajang

Kakang……. Ora ngira yen Adipati Wirasaba ngapusi marang ratu…..!

Milamarta

Kanjeng… mangga kula aturi ngleremaken penggalih…. Mangga kula aturi ngunjuk rumiyin supados lejar penggalihipun.

Sultan Pajang

Ya kakang……..hm…. arep nemoni lelakon apa ing Pajang iki….?

Mancapraja

Nuwun sewu Kanjeng…… cobi panjenengan ndangu lan nyuwun priksa ingkang permati dhateng rara Sukartiyah… supados perkawis punika langkung gambling, kanjeng.

Sultan Pajang

Ya…. Wirayuda…. Mlebua keputren… timbalana Rara Sukartiyah supaya sowan..!

Wirayuda

Nuwun… ngestokaken dhawuh

( Sowane Rara Sukartiyah karo utusan )

Sultan Pajang

Sukartiyah….. aja kaget kowe dak timbale sowan…. Ingsun bakal takon sing sabenere. Wangsulana sing jujur. Apa bener kowe wis nduwe bojo…… apa kowe wis dadi mantune Ki Demang Toyareka lan didhaupake karo Mangun…!

Mancapraja

Matura ngger….. sing cetha… sing gambling… aja rikuh pekewuh… matur apa anane.!

Sukartiyah

Nggih kanjeng….. saderengipun  mbok atur kula lepat nyueun pangapunten. Ngaten Kanjeng.

Blaka mawon.. bilih wiwit alit kula niku nate dijodhokaken kaliyan putranipun Paman demang Toyareka ingkang name Mangun… punika taksih sedherek kula. Waunipun kula mboten ngertos napa-napa. Wekdal semanten kula badhe dipun dhaupaken… nanging kula mboten purun… kula dipeksa-peksa nggih mboten saged.. wong kula mboten tresna…. Kejawi punika..si Mantun taksih kapernah adhi kula, amargi putrane Paman kula piyambak. Ngantos sepriki kula dereng nate kembul…… pengantenan nggih dereng napa malih sesarengan. Pianggihan mawon mboten nate koh….

Sultan Pajang

Yen ngono…. Kowe rumangsa dijodhokake.. nanging kowe ora gelem?  Durung nganti didhaupake?...priye iki kakang Patih?

Mancapraja

Lah…. Punika kasunyatan Kanjeng…. Manut pemanggih kula… Sukartiyah niku dereng wonten ingkang mengkoni….. ature Ki Toyareka niku mboten leres…!

Sultan Pajang

Yaw is kakang…. Yen ngono aku sing kleru… Wirayuda…. Aja kesuwen, susulana kadangmu Wirapati. Wargautomo aja kongsi diperjaya… wis enggal mangkat….!

Wirayuda

Nggih…. Ngestokaken dhawuh… nyuwun pamit…!

( Tutup kelir )

ADEGAN IV

Adipati Wirasaba bersama abdinya sedang dalam perjalanan pulang ke Wirasaba. Karena lelahnya Sang Adipati singgah di rumah kerabatnya yaitu Ki Bekel Bener.

Abdi dagelan 1

Abdi dagelan 2.... dst

Adipati Wargautomo

Paman sakarone.... wis cukup anggone padha ngaso.... saiki mayuh padha dibacutake kondur menyang Wirasaba.

Abdi dagelan

Punapa sampun ketampi Ndara Rara Sukartiyah dening Kanjeng Sultan, ndarane...?

Adipati Wargoutomo

Ya wis ditampa kanthi renaning penggalih, paman.... ngene bae paman...... nek ora kleru iki kalebu wewengkon Bener..... aku njur kelingan duwe kadang sinarawedi asmane Ki Bekel Bener.; sadurunge kondur tumeka Wirasaba, mayuh padha mampir dhisik ing daleme Ki Bekel Bener.

Abdi Dagelan

Mangga ndarane..... keleresan kula mpun ngelih sanget niki koh......!

ADEGAN V

Ki Bekel Bener dan istrinya bersama pembantunya sedang  persiapan akan mengadakan syukuran hasil panen dengan memasak Pindang Banyak. Tak lama kemudian datanglah Adipati Wirasaba yang singgah ke rumahnya. Betapa senang keluarga Ki bener kedatangan sahabatnya yang sudah lama tidak berjumpa. Sang Adipati dipersilakan duduk di Balai Malang, disuguh Pindang Banyak, kebetulan hari itu adalah hari Sabtu Pahing. Sambil menikmati hidangan, mereka bercerita tentang keadaan daerah masing-masing

Ny Bekel ( sinambi ngelapi meja lan nata kursi )

Nek tek rasa-rasa, pegaweane wong wadon ora nana rampunge, kiye sing jenenge wong wadon. Angger ngawan go kethiplak, angger mbengi nggo umpak. Tapi ya keprimen maning wis dadi nasibe.

Aku ya seneng senajan mung dadi bojo bekel, cara sekiye ya bojo lurah. Nrima mung ngendelna panen, kuwe bae angger lagi ora nana ama.  Sarti..... sarti......

Sarti

Nggih Nyai...... wonten dhawuh..... kula saweg umbah-umbah teng wingking. Wonten napa nggih?

Ny Bekel

Ngene Sarti..... karo nunggu Ki Bekel kondur saka sawah, aku arep takon.... pegaweyane apa wis rampung kabeh?

Sarti

Sampun Nyai.......anggen kula masak mpun rampung sedaya, niku pindang banyake nggih mpun kula cawisaken. Lalaban.... sambel..... wedang.... lah mpun sedaya. Sampun kewatir. Pokoke beres.

Ny Bekel

Ya syukur....... ya kaya kuwe dadi rewang kudu sing cemawis, kudu ngerti maring pegawean. Apa maning mengko sore tangga-tangga arep padha teka mrena kanggo sukuran. Lah kae... kaya swarane Ki Bekel kondur....!

Sarti

Nggih..... leres Nyai..... kula teng wingking riyin nggih? Ngrampungaken pedamelan.

Ny Bekel

Ya wis kono..... menyang mburi maning...

Ki Bekel

Sajak lagi padha kandhahan Nyai..... apa wis padha rampung pegaweyane?

Ny Bekel

Ya wis kabeh, Pak Ne...... dhaharan, apa dene lawuh medang kanggo sukuran wis dicawisna.

Ki Bekel

Lah.... klangenanku Pindang Banyak wis diolahi apa durung?

Ny Bekel

Ya wis Pakne....... kabeh wis rampung, mung gari nunggu wektu. Kiye nembe arep bedhug, sukurane ra mengko jam ba’da asar?

Ki Bekel

Bener Nyai...... kiye mung kanggo tandha syukure aku kabeh, wis diparingi nikmat panen sing cukup lumayan, mulani dek undang tangga-tanggane supaya melu ngrasakena hasil panene.

Ny Bekel

Ya Pak..........aku ya bungah. Panene tahun kiye madan lumayan

Ki Bekel

Loh.... kae Nyai ... kaya ana tamu sing arep mlebu... coba dibukakna lawang...!

Ny Bekel

Ya pak....... monggo.... monggo mlebet.......

( Rawuhe Adipati wargoutomo  )

Wargoutomo

Aku sing sowan Ki Bekel…….. ora pangling karu aku to, Ki?

Bekel Bener

Wah……… kula radi kesupen……mangke rumiyin……. Yen mboten klentu, panjenengan niku Raden Bagus Suwargo ing Wirasaba?

Wargoutomo

Pancen bener ngendikamu Ki…… aku Bagus Suwargo….. sing wis nggenteni palungguhane Kanjeng Rama Adipati Surohutomo… dene aku gumanti jeneng Adipati Wargoutomo !

Bekel  Bener  ( Kaget )

Adipati Wargoutomo..!  ….. wah syukur…. Dene panjenengan sampun nglungguhi Kadipaten Wirasaba., nggih mangga… kula  aturi pinarak ingkang sekeca.

Wah…. Nyai….. ora ngira dina iki awake dhewek kerawuhan tamu agung saka Wiorasaba.

Nyi Bekel

Ya Ki…… seneng banget aku……. Ing atase wong cilik dirawuhi priyayi agung……?

Wargoutomo

Ya Ki……. Wis ora perlu rikuh pekewuh, aja padha mbedak-mbedakake, antarane aku kore sampeyan niku padaha-padha manungsa, ora perlu ngegungake , Ki.

Ki Bekel

Nggih Kanjeng….. sianosa kados pundi, panjennengan niku pepundhen kula, senajan rumiyin niku nggih asring dolan sareng….. pados ngelmu sareng. Niiing… drajat pangkat niku tetep wonten bedanipun.

Ny Bekel

Nggih Kanjeng Dipati…. Rawuh panjenengan wonten grioya kula niki… jaaaan.. damel kaget lan mongkoking manah kula. Kados ketiban ndaru…..ra ngono Ki….?

Ki Bekel

Bener Nyai…… ora saben kawula dirawuhi wong agung……ateges awake dhewek iki antuk kanugrahaning Gusti Allah, Nyai….! Lajeng mentas tindak pundi… punapa sengaja mertinjau wonten mriki Kanjeng?

Wargoutomo

Ngene Ki….. Aku nembe bae sowan ing Pajang… nyowanake anaku si Sukartijah minangka dadi palara-lara ing Pajang, saka pamundhute Sultan Hadiwijaya, gandheng rada sayah, aku melu ngaso dhisik ana kene..!

Ki Bekel

Waah….. mentas tindak Pajang…?.... mesthine sayah, nggih mangga kula aturi lerem mawon wonten mriki. Syukur kersa nyare, kondure ngenjing-ngenjing mawon..!

Ny Bekel

Nggih Kanjeng…… menawi kersa nyare wonten mriki, kula langkung remen, menawi trimah bonggang-bonggangan…!

Wargoutomo

Maturnuwun Ki…… aku mung perlu ngaso sawetara….. mengko yen wis ngaso arep nerusake mantuk menyang Wirasaba.

Ki Bekel

O ya….. Nyai….. diaturi unjukan bae….. kebener iki wayahe dhahar siang, kae loh… pindang banyake dicaosna … padha kembul bujana bae…..!

Wargoutomo

Napa Ki….. pindang banyak……… kula nembe ngertos niku.

Ki Bekel

Nggih Kanjeng….. kula keleresan nembe mawon panen, mangke badhe ngawontenaken syukuran kaliyan para kadang tani wonten mriki. Bojo kula nembe mawon damel dhaharan pindhang banyak… menawi kersa nggih mangga mangke dipun dhahar.

Wargoutomo

Nggih ,Ki….. matur nuwun sanget…. Dados ngrepoti nggih?

Ny Bekel ( Mlebu, nyawisake pindhang banyak lan liya-liyane)

Mboten Kanjeng…… monggo pinarak riyin mangke kula cawisaken  dhaharanipun

Wargoutomo

Ya Ki… aku melu bungah dene para among tani ing kene tansah sengkud anggone ulah tetanen, muga-muga bae bias murakabi sakabehani

Ki Bekel

Nggih… mekaten ingkang kula suwun…. Awit nggih mung saking olah tani, para kawula saged nyekapi kabetahipun.

Ny Bekel

Mangga, Ki……… niku wis dek cawisake dhaharane..!

Ki Bekel

Nggih mangga, Kanjeng…. Kula aturi dhahar rumiyin……

Wargoutomo

Ya, Ki…… matur nuwun banget…………

( Tekane utusan/Wirapati….. arep merjaya Adipati Wirasaba, laku dhedhimikan  ngenteni Sang Adipati Rampung Dhahar, dumadakan teka utusan maneh /Wirayuda, aweh sasmita tangan. Salah penampa… wusana Wirapati ngunus pusaka banjur ditamakake menyang Adipati Wargoutama…… geger )

Wirayuda

Kakang Wirapati……. Kowe kepriye….. karepku aja diterusake……! Aku nampa dhawuhe Kanjeng Sultan. Supaya murungake sedyam,u…!

Wirapati

Lah…. Aku ora ngerti….. dak kira aku supaya enggal-enggal merjaya Kanjeng Adipati.

Wirayuda

Yen ngono….. mengko aku bakal kadukanan….. kowe sing dadi punjering perkara.

Wirapati

Ya udu aku…… kowe sing prentah……!

( Wusana dadi pasulayan)

Wargoutomo

Wis… wis….. aja padha pasulayan ….. aku wis nrima…… mbok menawa iki wis dadi p[epesthening Gusti…. Wis… padha nyedhak mrene.

Ki Bekel

Wadhuh, Kanjeng….. kula mboten mangertos napa-napa… malah wonten kedadosan kados ngaten….. kepripun niki….. piye iki Nyai……..?

Nyi Bekel

Ya Ki…… arep nemoni lelakon apa awake dhewek…….. Kanjeng Adipati kena tatu…….!

Ki Bekel

Heh prajurit……. Kula nyuwun miterang…. Kersane Kanjeng Sultan kepripun..!

Wirapati

Ngaten Ki……. Mboten dangu sakondure Kanjeng Adipati Wargoutomo saking Pajang, kedadak wonten tamu ingkang name Ki Demang Toyareka. Piyambake atur palapuran dhateng Kanjeng Sultan, menawi rara Sukesih punika sampun kagungan garwa. Kanjeng Sultan duka…. Rumaos diapusai dening Adipati Wirasaba. Pramila utusan dhateng kula…. Supados nyedani Kanjeng Adipati…!

Wargoutomo

Yen Ngono… kabeh mau polahe Ki Toyarteka….. hem……Ki Bener sawaragane….. heh prajurit….. sadurunge aku tumeka pati….. padha nyedhaka mrene, aku bakal aweh piweling m,arang kowe kabeh,  kaya wis titi mangsane aku….. aku bali menyang pengayunaning Gusti….. Ki…. Aturna menyang tedhak turun Wirasaba…. Aku aweh pepeling :

1.      Aja padha gawe umah sing wangune Bale Malang

2.      Aja padha gawe panganan Pindhang Banyak

3.      Aja padha lelungan ing dina Setu Pahing

4.      Aja padha ngingu apa dene numpak Jaran Dhawuk

5.      Aja padha bebesanan karo wong Toyareka

Wis….. wis andum slamet…… aku wis ora kuwaaaat……… astaghfirulloh….. laaa ilaaha ilalloooh…!

( KI Wargoutomo seda)

Ki Bener

Kabeh bae sing ana kene…….sedane Kanjeng Adipati mboke menawa wis dadi garising urip, mula mayuh mengko dadi atur menyang Wirasaba, Layone Kanjeng Adipati dirukti bebarengan.

Wirapati

Lajeng kula kedah kados p[undi, Ki Bekel..?

Ki Bekel

Panjenengan sami kondur mawon dhateng Pajang… matur apa anane…. Muga-muga kanjeng Sultan nglenggana marang lupute.

Wirayuda

‘Nggih Ki…… nyuwun pamit…..

( Tutup Kelir )