Riwajat asal oesul
perdikan Pasir
mendet saking pakem
ingkang kaserat ngangge
aksara arab
S. adisapoetro
Pasir
koelon tgl 6 - 3 – 1946
Poenika
tanda tjaritanipoen Kandjeng Pangeran Senopati Mangkoeboemi kala kaselamaken
dening Soeltan Demak. Wondening kang ingoetoes anjelamaken, kang djedjeneng =
1.
Patih Hedin. 2. Patih Hoesen. 3. Pangeran Makdoemwali. Wondening dedamelipoen,
salebak sapacha saking Demak. Sareng dateng Pasir noenten soejoed ki Dipati
Pasir. Noenten angendika Patih Hedin, Hoesen lan Pangeran Makdoemwali dateng
Kjai Ki Dipati Pasir :,, Sapa sinten djeneng pakenira ?”,, Inggih Banjak
Blanak, wondening adi koela poen Banjak Geleh.” Noenten angandika Pangeran
Makdoemwali, Patih Hedin lan Hoesen :,, Pakenira arep selam ?” Mangka matoer ki
Banjak Blanak :,, Inggih sendika ” Mangka noenten dipoen tjekel astanipoen
dening Pangeran Makdoemwali :,, Angoetjapa sira niti Daroesalam” Mangka anoet
ing woeroek noenten winaeroek sahadat kalimah kalih, tata sarengat agama Islam.
Wong dening Ki Dipati Pasir lan Banjak Geleh sampoen takloek sadaja.
Sesampoening sapoenika, lami-lami kondoer Patih Hedin lan Patih Hoesen,
wondening Pangeran Makdoemwali kantoen kapertjaja anjelamaken djadjahan Pasir
Sesampoening sapoenika
Pangeran
Makdoemwali noenten adedepok sak léring pasétran winastan doesoen Ambawanggoela
goemantoeng adamel Mesdjid. Noenten njelamaken djadjahan Pasir. Sasampoening
alam, mangka gadah pradjandjian Pangeran Makdoemwali dateng Patih Wirakencana
anenggih Banyak Galeh ki Dipatih Pasir :,, Jén temen-temen agoeroe ing manira,
jen mati woes pinesti bareng saloewang lan pekenira ” Atoeré Ki Dipatih Pasir,, Inggih dhahir batin boten
kedap-kedap ” Sasampoening sapoenika ki Dipati Pasir ketoenggenah
anjelamaken nagara koelon ambaoereksa
lampahipoen Pangeran Makdoewali. Wondening kang toenggoe doesoenipoen Pangeran
Makdoemwali saoengkoeripoen mangilén, Praboe Hara. Wondening lampahipoen ki Dipati
Pasir kalih Pangeran Makdoemwali, winiwit saking Keloentoeng bentas pagadingan,
Indradjaja, Batoelaja, Timbanganten, Ukoer, Tjibalunggung, Sareng dateng
Tjibalunggung noenten dateng seratipoen Soeltan Banten, Wondening oengeling
serta, ,, Jen djengandika sampoen njabrang ngilen lépén Tjitaroem wondening
sabrang kilen sampoen slam sadaja dening Soeltan Banten,” Wndening ki Dipati
Pasir kandeg lampahipoen, minangka dados wangkid lépén Tjitaroem
Soeltan
Demak kalih Soeltan Bante. Sapoenika angsalipoen anjagaring wangwa Ki Dipati
Pasir, wondening laminipoen angsal tigang sasi adji wonten ing kilen. Sampuning
sapoenika noenten mantoek, marginipun medal Tjirebon,, Gebangbenton,
Maroejoeng, andjog Pasirloehoer. Katjarita Ki Dipati Pasir ladjeng dateng
Demak, Sareng dateng Demak, katoenggenah malih sanagara wetan, waslanipoen
Gegalang, Panaragan, Kadjangan, Pasoeroehan, Embat-embat, Salambitan andjog
nagara Pati. Noenten mantoek dateng Demak sasampoening sapoenika wonten tata
dalem, ki Dipati Pasir katoenggenah boemi tjatjah 8000 domas, lebak woekire
poepoes gemboengé, bambang pengaloen-aloen lan amis batjine, mangoelon sapek
Krawang, ngetan Toegoemangkang, ora angoeningani wis tuwa ingsoen maring ki
Dipati Pasir alabetjike . Anadene pekenira soen lélér djenengan,, Pangeran
Senopati Mangkoeboemi. Moelané adjeneng Pangeran, dene abangsa wali. Moelane
Senopati Mangkoeboemi dene angroemati sakatahing nagara,”
Sesampoening
sapoenika noenten tinoendoeng mantoek. Wondening pamrentah dalem kala menjang pendak
Moeloed. Wondening bebektanipoen katjarita djebug 1000 pikoel, boten wonten
padjeg kala sapoenika. Djoemeneng Pangeran Senopati Mangkoeboemi pepoetra ki
Dipati Tole. Katjarita Soeltan Demak seda, kagantosan dening paeka kang
djedjeneng Pangeran Trenggana” Lami-lami katjarita ki Dipati Pasir gerah.
Dereng toemekeng pedjah, dipoen pendem ing kedoeng Welajan. Soeltan Demak
midanget werta jen Dipati Pasir gerah Soeltan Demak oetoesan alajad. Kang
ingutus kaoem sekawan . Wondening timbalan Dalem, kaoem-kaoem:,, Sira Lajaden, Dipati Pasir wartané gerah ikoe
olihé si bapa anjelamaken, jen tinemoe mati adjékena, jen tinemoe oerip
toenggonana,” Kaoem sekawan noenten loemampah dateng Pasir. Sareng dateng
pasir, sowan dateng ki Dipati Tole ladjeng sinapa : Pakenira wong endi ? Matoer
kaoem sekawan : Pakenira wong endi ? Matoer kaoem sekawan : Inggih ki Dipati,
koela ing Demak kaoetoes dening Goesti koela jen rama djengandika kasilir gerah,
Dipoen oetoes anglelajad. Wondening timbalan
dalem
kaoem-kaoem:,, sira loengaa lajaden ki Dipati Pasir, wartane gerah. Ikoe olehe
sibapa, jen ketemoe mati adjékena maring pakoeboerané, jen tinemoe oerip
toenggonana,” Sapoenika timbalan dalem angendika ki Dipati Tolé:,, Ija sira
adjekena maring pakoeboeran,” Kaoem sekawan noenten lumampah dateng
pakoeboeran. Satengahing wong ngadji, wonten soewara,, Kaoem akoe doedoeken
Kaoem ? noenten maladjeng mantoek asoeng oeninga dateng ki Dipati Tole, jen
rama djengandika mlakoe dipoen doedoek saking pakoeboeran,” Ki Dipati Tole
noenten loemampah dateng pakoeboeran . Sareng dateng pakoeboeran noenten dipoen
doedoek , dipoen priksani, sareng dipoen priksani majit pinanggih pedjah. Ki
Dipati Tole noenten dedoeka dateng poen kaoem : Kaoem apa saka anggegoroh
maring ingsoen ! Botjah tjekelan ikoe si kaoem.” Noenten dipoen tjepeng kaoem
sekawan. Wondening kang kaloh dipoen pedjahi, kang kalih malih dipoen pasoeng,
dipoen prapat, noenten binekta mantoek dateng dalem. Sareng dateng noenten
tinoendoeng mantoek dateng Demak sarta den kekaloengi lajang isining lajang
,,
Sira moeliha matoera maring bendaramoe, jen ingsoen ora arep selam, moelih
djawa maning”Kapan-kapan teka wong Demak, Kaoem-kaoem noenten mantoek dateng
Demak angatoeri oeninga jen koela
katiwasan Abdidalem kekalih kang pedjah. Lajang katoer noenten winatja.
Oenining lajang :,, jen manira ara arep ngawoela, moelih Djawa malih.” Soeltan
Demak ngandika ki Patih kinen angloeroegi dateng nagari Pasir. Wondening
dedamelipoen salebak sapacha. Marginipoen medal pasisir ler andjog Brebes,
Sareng dateng Moentjang, oetoesan ki Dipati Brebes angatoeri serat dateng ki
Dipati Tole. Oenining lajang :,, Den djero lelaréné, pekenira den kandel
koetanira.” Satekane lajang sepi Ki Dipati Tole wonten ing nagara Daha saweg
atjengkrama kasoekan babadan raran-raran. Ananaoer kaoel anglubari oedjar jen
mati kanjeng rama, doewe oedjar babadan raran-raran. Sesampoening sapoenika
oetoesan dening ki Patih Wirakentjana. Angatoeraken priksa seratipoen Soeltan
Demak. Sedatenging oetoesan linggar lan pamit mantoek. Sareng dateng Pasir,
dandan koeta koebeng angerig djero tengah Pasir tapis wiringe rapih sadina
sawengi.
Nounten dateng moesoeh Demak. Dipoen kepoeng angsal sesasi gangsalwelas dina
boten bedah. Katjarita djamban kedaton, bendoenganipoen saking Sitoewangi
dening moengsoeh noenten dipoen bedah. Geger tijang sakedaton, boten dahar
toja. Ki Patih Wirakentjana neneda maring Allah, serekangat salam, noenten
néntjebaken tjis ing pasoedjoedan. Sareng dipoen doedoet medal tojanipoen,
noenten seger wong kedaton. Katjarita wong kedaton amasoehi iwak nadjis,
noenten asal malih tojanipoen. Sesampoening sapoenika ki Patih aremboegan kalih
ki Dipati Tole, Aturé kang paman :,, Anak, daweg koela atoeri soedjoed ndika.
Boten nangga amoengsoehi wong Demak. Daweg koela atoeri soejoed, koela
wedi,gedé wong Demak” Mangka djoewet atoere kang rama. Angandika ki Dipati Tole
:,, Paman, andika apa wedi ing wong Demak, apa ndika ora doewé tjetjelék , ora
doewé gegobél. ndika wedi ing wong Demak? Kang rama sakit manahé apitoetoer
boten kanggé. noenten mantoek dateng dalem pijambak. Noenten anjerat lajang,
oenineng lajang : ,, Koela boten toemoet – toemoet sarengaté ki Tolé. Soemangga ing kersa
djengandika.” serat binoetjalaken dateng djawining koeta, katampan dening ki
Dipati Tjoeroewah Brebes. Noeten malebet dateng kormaté
Kadipaten,
sareng malebet katingalan dening ki Dipati Tole saking papanggungan. Angandika
ki Dipati Tole :, Botjah mara delengen ta. Sapa mandalane ?,” Sareng kapriksan
inggih jektos wonten oembul-oembul sanes wonten daleme rama djengandika.
Angandika ki Dipati Tole,, jen mangkana, ala si paman, blorok atine si paman.
Ija aku doewe oedjar wong Pasir tedak pitoe adja ana wong pepatih paman.
”Sesampoening sapoenika katjarita salebetipoen wong Demak priksa :,, Poenapa
djengandika ki Patih ? ,,Inggih kapenakan saderek pisan. ”Angendika wong agoeng
Demak :,, Pajo, ing wong kepoenge ki Tole, ”Noenten perang sajroning
koeroengan. Katjarita kapetengan, kadjineman. Woloengpoeloeh kang kulambi kere
gempoer, Ki Binalangkaja, ki Sombro maladjeng. Asoeng oeninga dateng ki Dipati
Tole. Noenten bobol sadaya kalanipoen, sabalanipoen medal lawang saketing kaing
iring kidoel andjog dateng lepen Logawa. Tinoerout sapengandap andjog dateng
Gandoelekor sesampoena sapoenika angendika wong agoeng Demak dateng ki Patih
Wirakentjana, angendika :,, Soesoelan anak ndika, ndika tjekelen,, Inggig
sandika ”Noenten dipoen soesoel. Perang dateng Gandoelekor katingalan jen kang
poetra dereng njabrang sadaya. Ki Patih
Api-api
kesoeroeng anarik doewoeng. Kenedak lampahipoen Ki Patih sareng sampoen
njabrang sadaja, noenten agadeh atoer-atoer:,, Kadipoendi prijaji
lampah-lampahipun Ki Tole sampoen njabrang andjog Gambirsiring, hambeng,
hadang, kepoenglo, watoekoera, andjog Bondjok, soenten wangsoel saking
gandoeliko. Sareng dateng Pasirloehoer kaloer lampahipoen . Jen Ki Tole sampoen
njabrang ngidoel. Noenten angandika wong agoeng Demak jen manira
ora ngoeningani salebak wikoere’ poepoes kaebenge’, bambang pangaloem-aloeme’ njanjah sodo domas, soen
srahaken marang ndika saking galani rakandika radja Namroel. Soen naloreka
kenama gengeran senopati Hangkoeboemi djoemeneng Ki Dipati Pasir. Lami-lami kasdjarisa pinodak pomahan aboebak-boebak ing pase’tran Pasir
Kidoel Katjariksa amendel wewirinihan
Djambe’wangi, Klapawangi. Katjarita Ki Dipati Pasir apoepoetra 30 kang
kapendjan 10. Wondining dalemipoen ing Pasir Kidoel. Wondening goeroe kang
kadjeng Pangeran Makdoemwali dedepokipoen ing bang ler, wastanipoen doesoen Ambawanggoelagoemantoeng.
Sareng sampoen seda Pangeran Makdoemwali, ingaranan Astana kidoel Pasir
Kadipaten. Wondening asalama peperdikané
Soelaksan
Demak, siweg alamipoen Pangeran Trenggana, kang dados koendji panembahan
pagoel, tedak saking Pangeran
Praboaekara sesampoenipun, katjarita lami-lami ki Dipati seda. Angestokaken
sadjandjine goeroene. Jen mati bareng saloewang, mila wonten ing asatana
Ambawanggoelangemantoeng Katjarita malih
saweg gesang ngipoen Ki Dipasti Pasir gadah poetra 30 ingkar kapencar 10, ingkang dateng Medangagoeng
Saketi apepoetra Kyai Gede Soele ingkang dateng Waraejoeng njai
Loengge apepoetra Kjai Gede Mingsir kalih Kjai Bodjong ingkang dateng goenoeng. Wangi Njai
Sabara pepoetra Kjai Gede Biloeng. ingkang dateng Darmawangi Njai
Dewi Sangkeoni apepoetra Kjai Gede Gamboeh, kang dateng wira. Saba
Njai Sajoela; kang dateng Ajah Njai Gode Paloembangan; kang dateng
penjarang njai Kelanjorkoening; kang dateng kawali poetra Djaler kang
djedjeneng Mas Tangiri anadene kang anggatosi kadipaten Pasir kang adjedjeneng Pangeran
Perlangon. Pangeran Perlangon apepoetra pangeran Langkap. Pangeran Langkap
kamantoe dening Panembahan Sesapoe sampoe-
ning sapoeniko katjarita kala alam Pangeran
Perlangon, kala alam Padjang gesah ingkang mamah sami dipoen simbali sakalahing
para Boepati sedaja amoeng ki Dipati Pasir kang boten loemampah amoeng wakil
kiwala wondening dinamel wakil ingkang
djeneng ki Angloengbojong sarta dipoen poelih angoendjoekaken kampoeh domas
kandjoek dateng soeltan Padjang sesampoening kondjoek
apriksa dateng ki angloengbojong;
Ora mejang ki Dipati pasir ? Matoere Ki Angloengbajang :,, Inggih Goesti saweg
sakit rama djengandika. Wondening oendjoekipoen jen wonten pelamelan,
badan kawoela dadosa wakilipoen Dipati
Pasir.” Angendika Soeltan Padjang:,, Apane Ki Dipati Pasir pakenira?’’ Matoer
poen Angloengbajang :,, Inggih goesti tijang angabdi.’’ Jen ija wong ngabdi ora
soen tarima woes pakenira moeliha, matoera maring ki Dipati kang soen poendoel anake dadija wakile
ki Dipati Pasir ”, Poen Angloengbajang
mantoek rinten daloe sareng dateng Pasir Matoer:,, Jen koela sampoen sampejan
oetoes angoendjoekaken kampoes domas
inggih sampoen. Nanging jen sampejan wakil djarat koela, boten kedahar timbalan
dalem. Poetra sampe jan kang dipoen pendet dadosa wakil dalem. Se-
sampoening
sampoenika angandika Pangeran Perlangon. ,, Prije saikine Angloengbajang, anakoe
dewe isih tjilik, doeroeng kelar angembat watang. Jen kaja mangkono préntah
dalem, epénten keponakan sing Mendangagoeng poetrane Njai Saketi kekasihipoen
ki Gede Soele ; kang saking Haroejoeng salaenggal poetranipoen Njai
loengge kekasihipoen Kjai Gede Goemingsir, kang satoenggal malih saking
Goenoeng wangi poetranipun Njai Sabara
kekasihipoen Kjai Gede Ambilaoeng kang satunggal malih saking Darmawangi poetranipoen Njai Dewi Sengkuni kekasihipoen Kjai Gede Gamboeh. Poenika
poetra sekawan sesampoening sapoenika, angandika Pangeran Perlangon :,, anaking sore sira soen anggo wakile
ingsoen. Sadoeloerina lanang masih tjilik. Bésoek wis gede asrahana,’’ Nonten
anggendika dateng Angloengbajang:,, Sira atoerna wakil insoen maring Soeltan Padjang.’’
Poen angloengbajang loemampah. Sareng dateng Padjang ingoendjoekaken dateng
Soeltan, noenten kadahan saoendjoekipoen ki Dipati Pasir. Sesampoening
sapoenika noenten dopoen lampahi negara Pasir déning tijang sekawan. Lami-lami
kesanggo seloepatinipoen tijang Pasir, noenten sami gadah oendjoek da-
teng
pangeran Perlangon saweg Djoemaeah Wondening onjoekipoen ki Gede Sole;,, Koela
noewoen Pangeran ing sampejan Angoendjoekaken sangisipoen poetra-poetra
sampejanipoen adi-adi reh anglampahi ajahedalem ing mangke sampoen sae oeloe
patinipoen kasangga wondini oendjaehipoen poetra-poetra amoewaon rata-rata
angandika pangeran perlangon Tja sira edoemen salagi awake boemi ikoe djadjal
8.000 domas kala alam Demak Padjang bareng alam ki Gede Sari soenten besijad
kapantjen 1.300 ; kang 500 soen gadoeaken maring Angloengbajang Anadene kang
damos ikoe bebengkoke dewek ya ing djero tengah pasir anadine kali serojeo maedik andjog sawangan
kali klawing. Saking kali klawing moedik andjog kali sogra, saking kali sogra
andjog kali Toesoekan saking kali Soesekan
andjog kali Ares, minger angoelon andjog kali djarwana moedik sapendaewoen andjog Andongkebonmingerangoelan andjog kali
wangkon, moedik ana dene andjog pangoelane kaki tadjoem ana dene pangandepe
andjog sawangan , ana dene pengeoedike andjog Tjiboengoer ikoe kandang tjadjah
damos ana déné
doekoehé
100 poendjoel 8, mangka dipoen edoem dening Pangeran Perlanggon dipoen prapat.
Kyai Gede Goemingsir 25 djero tengah pakenira Tjoekangakar, anadene Kyai Gede
Biloeng 25 djero tengah pakenira Kaliradjoet. Amoeng Kyai Gede Soele kadoeman
28 sabab ikoe den angga wadono, nanging
Kyai Gede Bojong djabakena. Ana dene doekoehe Sirenggong lan Sigungsari si
Tjukang si Kranggan, ana dene manira amoeng si mandjalima, manira nganggo
pagodongan Pameniran lan mantra nggo ambaureksa jimat dalem. Manira arep
angabekti moenggoeh maring Allah besoek wis gede sadulurira lanang den remboek
poma-poma anadene omah-omah ingkene wong papat kowe ing Pasir kidoel, anadene
manira arep anetepi ing pakuncen bareng kalawan Panembahan Pagoet, Noenten
jumeneng Ngabei Kodoel, Ngabie Wetan, Ngabei Lor, Ngabei Kulon, kala angarang
ing Pasir anadene poen mantjalima kalebet ing doesoen 100 punjul 8. Kang 100 poendjul
3 pinerapat windening tjatjahipun domas, anadene poen pantjalima kajawi saking
tjatjah domas ki Gede bojong anjawi saking domas. Wondening domasipoen
Tjukangakar 100 toewoehipoen Singasari, Goenoengwangi 100 toewoehipoen Kanje ;
Kaliratjoet 100 tuwuhipoen Bonjok
Amoeng gede Soele long tetijang
poen Pasir kalih ; poen Tjanggih 100, poen Tamansari lan Kedoengwoeloeh 100
poen Sidabowa, Peliken 100 poen Grengseng, Kedung randoe, Petir 200 dados cacah
domas sapoenika kedoek tjekeripoen ki Dipati Pasir kala saweg tigamasipoen. Ana
dene ki Anggloeng bajang dados kaliwon ageng, anadene linggihipoen 500.
Wondening gangsalatoesipoen negara Djadja 100 Babakan 100 Sindangbarang lan
Pegadingan 100 Djamboe, Tinggardjadja 100 ; Kedungwaringin. Lopasir 100 Anadene
Bentar, Renggong, Gunungsari, Tjukang, Kranggan kalebet gedonge ki Dipati
Pasir, saweg alam 800 domas. Sesampoening sapoenika katjarita ki Dipati
Maroedjoeng djengkar saking kedaton anoetoeri sadulure dateng pasir den
pernahaken dening Pangeran Perlangon ing doesoen Bodjongsari kekasihipoen kjai
Boeloeskinoekoes kalih ki Kalong pengrawit, kala wonten ing Bojong jumeneng
kjai Gede Bojong. Sedoeloere kjai Gede Gumingsir, kjai Tjukangakar, kjai
Langgong, kjai Gede Bojong aboebalik adedoesoen Adjibarang. Lami-lami katjarita
ki Dipati Pasir kersa abebesanan anglamar, sareng dateng Gegerbeas den papag
perang, mundoer
kang anglamar mantoe dateng kjai
Dipati, noenten kjai Dipati oetoesan dateng ki Patih kinen amandet poetrane
kjai Gede Bojong, mongka putri angitjal dateng goenoeng, milo wanastanan gunung
Poetri, kjai Gede Bojong asemu roentik dateng kjai Dipati Pasir mangka, noenten
kesah dateng Padjang angabdi anoewoenaken tiyang kapitoebelah mongka noenten
Bendeng kalih kjai Pasir angsal tiyang kapitoebelah, mangka ki Angglongbajang
silep katumpangan dening ki Gede Bojong ki Angloenbajang amoeng Windunegara,
tedak tumedak dateng anak poetoenipoen. Ana dene kapitoebelahipoen Bojongsari
100 tuwuhipoen Adjibarang ; Nagara Djadja 100 tuwuhipoen Windoenegara ;
pendjarang 100, Babakan 100 ; Sindangbarang 50 ; Jamboe 50 ; Tinggardjaja 50;
Lopasir lan Kedoengwringin 100 ; Tjukang lan Kranggan 50 sesampoening sapoenika
katjarita malih kalah ki Dipati Pasir. Sesampoening Mrapat domas Pasir naoenten
nganggoer. Kjai ki Dipati Pasir amoeng poen mancalima dados Pagedonganipoen
lami-lami kang kekasih Panembahan Langkap tetapa ; Lami-lami kang rama seda ;
Panembahan Tetapa lami-lami kang nama lang
kap mantoek saking pratapan
andjog dateng Kartanegara, arabi angsal poetrane ki Demang Kertanegara
lami-lami mantuk dateng Pasir, noenten angrabi putrane kjai Koentji kang
kadjeneng panembahan Sesapoe. Poen pantjalima kawarisaken dateng kang
djedjeneng Panembahan Langkap, ambau reksa djimat dalem. Sapa kengetan
Panembahan Langkap jen lampitira ndoeni. Noenten dipoen djaloek lampit dateng
kjai Gede Soele. Adi, Lampit kala djaloek, mapan si bapa warise dateng koela
”Ature ki Gede Soele : Alian dalem alinggih kula sagrokan, pangucap kula
sakecap, ambekan kula sademik pandjijade rama ndika boten aweh, pandika menika
den engge wakile mawon ”Ameksa den djaloek ki Gede Soele mboten awh ;
pandjakara arebut pampit. Ki Gede soele ameksa mboten aweh. Kalane angreboet
ing pasebane kjai Pasir noenten wonten pinisepoeh ajeneng kjai pengoeloe
Dampjak asesapih ing Pangeran Lengkap. Kala gadah atoer dateng sampejan jen
njarengi kalih kersa sampejan sampoen sampen rebat ing djawi menang tata, kalah
tata, aloewoeng ingajenan dalem. ” Noenten sami bubar saking
Pasebanan, mantoek dateng
Astana. Sampoening sapoenika, tjarita loemampah daten Padjang adedehing
waringin koerung, kondjoek dateng Kanjeng Iboe wonten abdi dalem tedak Dipati
Pasir, anuwuhaken kelinggihanipoen rama ndika Sultan Padjang :, Jen
kayamangkana Patih timabalana maring jaba sami, noenten sami katimbalan ki
Pasir, ki Singasari, ki Bonjok, ki Katje, sareng dateng Padjang noenten
kapriksa ing ajengan dalem, atoeripoen kjai Gede Pasir,, Inggih Goesti jektos
jen poenika putranipoen tedak djaler, nangin boemi sampoen binagi. Wondening
kang anglampahi poenika poen adi-adi tetajang agoeng sekawan kang anglampahi.
Wondening poenika mboten uman waris amoeng poen Mantjalima kabekta ambaoereksa
jimat dalem, sebab angrabeni anake kjai Kuntji kang adjedjeneng panembahan
Sesapoe. ” Saren sapoenika naonten angandika Soeltan Padjang : ” Ikoe adja
mangkana wong tengahan pakenira ijo anake ki Poerwoekentjana, ijo anak ingsoen.
Amoendoet wong 100 wong tengahan, Atoere ki Gede Pasir ingih dateng sandika.
100 poen Singasantoen sumangga kondjuk ing adjengan dalem ”Noenten kaparingan
dateng kjai Poerwoekentjana. Atoeripoen ki Poerwoekentjana : ” inggih sandika
nanging
djasad kula gadah oenjoek ing
sampejan dalem kasuwoen pasijan dalem sampejan sabet ing lantaran dalem jen
inggih satimbalan dalem sapoenika djasat kula poen anganggoer abdi dalem,
nanging poen Mantjalima kenging tetep ambaoereksa jimat dalem mangka ngendika
Sultan Padjang : ,, Poenapa malih jen dika ajeng anganggoer ambaoereksa jimat
dalem timbalan dalem katetepaken poen Mantjalima dateng Panembahan Langkap.
Panembahan Langkap tetep dados mantune kjai Kuntji. ”Sampoene sapoenika
ngendika Sultan Padjang maring wong Pasir lan Singasari, Katje, Bonjok jen
pangeran Langkap soemedja anganggoer amung karepe atunggoe koentji sadjijade
Sultan Demak sakadang sengkere, salebak wukire prentahipoen maring pakenika,
lah aja wani-wani manira ara wani sadjijade Soeltan Demak poen perdjandjiane
Pangeran Makdumwali lan ki Dipati Pasir kala saweg selamipoen. Lan saler lepen
Pandjen dados lemah kapoetihan, kidoel lepen pandjen dados Pasir Panewon Sultan
Demak anetepaken sakramate Pangeran Makdumwali jen koelon lepen Legawa lor watu
Bangkong wetan lepen Kenas kidoel lepen Pantjoer kala alam Demak pamardikane. ”
Katjarita Pangeran Prabukara bebedah sawah adedepok ing kali Kareggo apepoetra
Panembahan Pagoet. Sampoening
sapoenika sami mantoek panembahan Langkap kqabektanan prijaji gandek kakalih
kang ajeneng ki Chotib Gandedja kalih kjai Bangsa anetepaken djijade Sultan
Demak, sareng dateng Pasir ; Noenten dipoen larak kilen lepen Legawa mang lor
watu Bangkong, mbang wetan kali Kenas, mbang kidul kali pantjoer, mangka
noenten wini wetan saking Weringin gede angulon anjog lepen Legawa , dagan
kedoeng Nambang ; Moedik anjog kedoeng Sawangan, moedik anjog kedoeng Bongas,
moedik anjog kedung Garoegak, moedik malih anjog kedung Tembalang gegoeloene
noenten manjat ngetan nuroet ngetan dedalan gede anjog watoe Bangkong , boeroet
ngetan anjog djurang Bandoeng, lepen djengok, noeroet ngetan anjog rantjah
Djadjawar, noeroet ngetan njabrang kali Penasalan anjog aloer reramboet kali
Kenas, tinoeroet kali Kenas sapengandap anjog Sawangan kali Djengok mudik
sawangan lepen karejo, mudik lepen karejo anjog rerambat kali karejo maning,
wonten Sanggom Dampit tinoeroet ngoelon anjog kali Pantjoer poenika kandang
sengkere djimat dalem djijade Soeltan Demak. Sampoening sapoenika sami mantoek
dateng Padjang. Katjarita Panembahan Langkap peprentah dateng sentanane sami ra
ora olih gawe sira pada dedoekoea sa
weg abdi kekalih kang anglampahi
kang adjeneng toean Aris adedoekoeh ing Karang Semboeng tuwuhipoen Karang
Tanjoeng, kang jeneng ki toean Kambangan
dedoekoeh ing karang Gude tuwuhipoen Karang Taloen. Sampoening sapoenika
nami-nami katjarita Panembahan Langkap oendang-oendang embebanan astana
akerigan wong matjalima Lumadjang, Karanganjar, Kober, Kertajasa, Gegerlangoe
wetan, kidoel, koeloen, lor. Sareng kantoen satjengkal, noenten dateng kjai
Gede Pasir angatoeri oeninga dateng Panembahan Langkap jen negara Pajang
manggih sampoen bedah, naonten boebar sami mantoek. Mila balasan ing mangkin
manggih taksih angoblog, silep alam Padjang (tahun 1574 M) tuwuh alam
Mataram, djumeneng ki Gede Mataram
noenten andawoehaken timbalan, jen ki Patih kinen nimbali sakatahing para
kuntji, boten lami noenten dateng oetoesan dalem. Kang ingoetoes kekasihipoen
ki Ngabehi Djabangsa, ki Ngabehi Rajanata sareng dateng ing Astana Pasir
andawuhaken timbalan dalem. ,, Koela ki Koentji, andawuhaken timbalan dalem
dipoen oetoes asoedjoed dateng Astana, sampoening asoedjoed djengandika
tinimbalan menjang, jen ratu djengandika ajen angempaleken sakatahing para
mantri sedaja. Ratu djengandika gerah ingkang
manah.
Sesampoening sapoenika noenten asudjud dateng Astana. Sesampoening asudjud
noenten adandan miang dateng Mataram, anunggang kapal wastanipoen poen Djoli,
rentjangipoen anak poetoe gangsal welas. Marginipoen medal jaman sewoe kang
angiring jenengipoen kjai Dalem ki Djarap, ki Tadjem, ki Tokol, ki toen Aris,
ki toen Kambangan, ki toen Bendungan, ki Giri Djaja, ki Goele Tana, ki Ngabdul
Sukur, ki Lebuh, ki Geledeg, ki Nadar, ki Simoeh, ki toen Raga. Sareng dateng
Mataram katur dateng ki Tumenggung Narapaksa pimondakaken ing Masjid Ageng,
noenten sinapa dening kjai Tumenggung Mangoenaneng sarta ki Arja Panengpati,
endjing noenten bineksa seba dateng Pangeran Martalaja, ingkang angaturaken
kjai Tumenggung Narapaksa, noenten ngendika dateng Pangeran Langkap : ”Andika
koentji Astana Pasir, noenten matur :, Inggih djasad kula, Pangeran. ”Sapa
sinten kang ndika toenggoe ? matoer ki Koentji :, Inggih Pangeran, tedak saking
Demak kang kekasih Pangeran Makdumwali. Sapindahipoen malih tedak ratu
Padjadjaran tedak saking Banjaktjatra. Wondene kekasihipoen Pangeran Senapati
Mangkoeboemi, poennika sabangsa ngelmu kalih pangeran Kalidjaga lan Pangeran
Makdoem, Cirebon sarta Sultan Demak, malah toemoet anjenengaken Masjid Demak.
”Mangka angandika Pangeran Martalaja :
Inggih
tedak koesoema Walijoelah jen mangkana. ”Noenten malebet Pangeran Martalaja
dateng Kedaton matoer dateng ratoe, jen Koentji Astana Pasir kang sampoen
dateng, mangke wonten ing djero. Noenten angandika Pangeran Sedakrapjak :, Sapa
sinten kang den toenggoe matoer Martalaja :, Inggih Goesti tedak saking Demak
kekasihipoen P. Makdoemwali, kaping kalih tereg ratoe Padjadjaran tedak saking
Banjaktjatra kekasihipoen P.S. Mangkoeboemi sabangsa ngelmu lan pangeran
Kalijaga lan Pangeran Makdoem, Cirebon sarta Soeltan Demak, malah toemoet
anjenengaken Masdjid Demak. ”Noenten ngandika ki Gede Mataram : ”Jen mangkana
jaloeken poedji dikire berkat dongane ki Koentji lan sawabe kang ditoenggoni
lan tetepaken perdikane Astana Pasir dewek. Ora wani angowahi sadjejade Soeltan
Demak dadijo kapoetihan sakadang sengkere, sira kongkonana maring djaba
analoerekaken sadjijade Soeltan Demak adja kawor lan Panewon. ” Pangeran
Martalaja noenten mois dateng njawi ngendika dateng Panembahan Langkap : Ki
Koentji, ndika tompo timbalan dalem, dika den poendoet poedji dikire lan berkat
dongane lan sawabe kang dika toenggoe ratu dika sujud sakatahing para Boepati,
para Mantri sedaya, ”Matoer Panembahan Langkap : ”Inggih Goesti toemoet kula
anedak
aken
maring Allah lan maring Rosoelloelah mugijo kedepa prentahe soedjoed sakatahing
para santri sadaja lan para Boepati sadaya, ”P. Martalaja andawuhaken
pangandika dalem ki Tumenggoeng Narapaksa : ”Panenira undangaken marang wong
tengahan, jen koentji astana Pasir den tetepaken perdikane, jen manira ora wani
angowahi sadjijade Soeltan Demak, ”Kala alilinggihan Pangeran lan Panembahan
Langkap sareng lan Toemenggoeng Mangoenaneng. Noenten dateng Pangeran Senopati
ing Ngalaga ataken dateng kang paman : ” Sapa sinten punika paman ? matoer
Pangeran Martalaya : ”Inggih Pangeran poenika kutji Astana Pasir tinimbalan
rama jengandika. ”Sapa sinten kang toenggoe ? inggih tedak saking Demak
kekasihipoen Pangeran Makdumwali. ”Sampoening sapoenika tinundoeng mantoek.
Panembahan Langkap binektanan gandek kalih kang ajeneng ki Chotibroehman lan
Chitibsoelah sareng dateng Pasir, noenten dipoen atoeri prijaji matjapat ki
Pasir, ki Singasari, ki Bonjok, ki Katje. Sampoen pepak sadaya prijaja tengahan
prijaji gandek andawuhaken timbalan dalem, jen lampah koeloe kinen
analoerekaken sadjijade Soeltan Demak sarta kinen anetepaken poen mantjalima
sarta sadjijade Soeltan Padjang, noenten sami oedoenan para kaoem, sami
oetoesan.Wontening ki Pasir ingkang
ingoetus
ki Ngabas, ki Singasari kang ingutus ki Abdoel Djapar, ki Katje kang ingoetoes
ki Sorap, ki Bonjok kang ingoetoes ki Ngabdoel Djamal. Noenten sami lumampah
dateng wana anderek oetoesan dalem. Winiwitan saking kidoel Waringin angoelon
anjog lepen Logawa saking kidoel Waringin mangoelon anjog dateng lepen Logawa,
dadagan Kedung Namba, mudik anjog Kedung Sawangan mudik malih Kedung Garoegak
mudik malih anjog dateng kedoeng Gijanti, mudik malih andjog dateng kedoeng
Sabela, anjog watu Bangkong, lepen apa anoeroet ngetan andjog Tjoeroeg Bandong,
lepen Djengok noeroet ngetan anjog rerancah Djedjawar, angetan anjog kali Panasalan,
anjabrang anoeroet ngetan anjog aloer parambat kali Kenas, anoeroet kali Kenas
sapangadep anjog Sawangan kali Kareo, mudik kali Kareo anjog rerambat kali
Kareo anjog Sanggom Dampit anoeroet mangoeloen anjog margi ageng anoeroet anjog
kali Pantjoer ing ngandap
--------------- o --------------------
tamat
21-3-1946
Ngendikanipun
(bisikanipun) Embah Dipadikrama/Purwadikrama dumateng Bapak Yoesoep
Ronomihardja utawi Embah Wahidun Ranayoeda I Demang Perdikan Pasir Koeloen
bilih :
I.
Murcanipun R. Banyakcatra (Kamandaka) pinika wonten
Sawangan (campuran) lepen Logawa lan lepen Mengaji nama kedung Cibleng (Cideng)
II.
Murcanipun tedak turunipun dumugi R. Banyak Kasumba
menika wonten kedung Makam kedung Nalayan ingkang katelah nama Cimeleng
-
Pusaka Pasir wasiat Cis nama Nagasasra dipun simpen
wonten padukuhan Kubangan, ingkang ngupakara R. Ranuwujaya, Pinetus Gunung
Lurah tedak turun saking Nyi Rude (Permade) putri Demang Kertanegara.
-
Duk alamipun embah purwadipa (Maryan II) Wasiat
lampit titihan kuda. Dipindah saking Masjid Pesantren ambawang gula gumantung
dateng masjid Pasir ing selajengipun ingkang ngupakara trah kademangan Pasir
Kulon
-
Kacarios Mesjid Pesantren ambawang gula gumantung
menika kalebet masjid nomer 2 (kalih) se Nusa Jawa sesampunipun Mesjid Demak.
Tidak ada komentar:
Posting Komentar